![Hospitation لأصحاب فيزا 16F](https://b3717364.smushcdn.com/3717364/wp-content/uploads/Hospitation.png?lossy=2&strip=1&webp=1)
• مقدمة:
كثير من الزملاء بعتبروا الـ Hospitation وسيلة جدًا مهمة من أجل تقوية اللغة والتحضير لامتحان الFSP، ومن الطبيعي إنه الطبيب بس يطلع له قبول، يربط جدوله وترتيباته وسكنه وحجز امتحانه بناء على الـ Hospitation، وممكن يوقع العقد مع المستشفى وتكون الأمور ماشية تمام وبكل سلاسة.
وفجأة المستشفى بخبّره “إنه بسبب نوع الفيزا/الإقامة (16F)، اللي بتنص إنه „Erwerbstätigkeit nicht gestattet“، إنت ممنوع تشتغل واحنا كمستشفى بنعتبر الـ Hospitation شغل، وبالتالي بنعتذر منك إنك تداوم عنا”.
فبعتذروا من الطبيب أو بطلبوا منه يبدل الفيزا أو الإقامة لنوع مسموح له يشتغل من خلاله، 16D على سبيل المثل لا الحصر، وبدون تبديل للفيزا أو الإقامة ما بقدر يبدأ دوام.
الفكرة إنه بسبب المعاملات الورقية والبيروقراطية ممكن يوصل العقد للـ Personalabteilung متأخر، وممكن يوصل بدري ولكن يتأخروا عبين ما يطّلعوا عليه، وبس يدققوا الأوراق ويقرؤوا أنه الفيزا 16F، برجعوا للقانون اللي بمنع صاحب الفيزا إنه يشتغل.
طبعًا هاد الحكي ممكن يصير حتى لو المستشفى ما بعطي الطبيب لا راتب ولا سكن ولا حتى وجبات طعام أثناء الدوام.
ولكن إنه هاد الاشي يصير احتماليته قليلة، يعني من بين 30 طبيب ممكن واحد أو 2 يواجهوا هاي المشكلة.
غالبية المستشفيات بتتجاوز وبتغض الطرف عن موضوع الـ 16F، وبالتالي الغالبية العظمى بعملوا Hospitation بدون ما بواجهوا أي مشكلة، وبدون ما يعرفوا هاي المعلومات.
تغيير الفيزا أو الإقامة اشي بتحكم فيه كثير عوامل، مكتب الاجانب في المدينة اللي ساكن فيها وسرعة إنجاز المعاملات فيه، وممكن يكون الطبيب من الأساس بستنى صدور إقامته، فالموضوع رح يكون متشابك ورح يوخذ وقت طويل، ووقتها تكون فترة الـHospitation انتهت عبين ما تتغير الإقامة.
إذا كان لديك أية شكوك أو تحتاج إلى مزيد من التوضيح، فلا تتردد في طرح الأسئلة في أي وقت في المجموعة الرئيسية لمجتمع فاخ آرتست يتست (Facharzt JETZT) على الفيسبوك والتيليجرام (سيتم إضافة جميع مجموعات التيليجرام كفولدر). هذه المقالة هي لمساعدتك على فهم الأمور، ولكن مع ذلك، لا ينبغي أن تكون مصدرك الوحيد. دائماً استشر المواقع الرسمية للحصول على المعلومات الأكثر دقة وتحديثاً (يمكنك قراءة إخلاء المسؤولية الكامل هنا).
• تجربة شخصية
أنا مريت بهاي الحالة، ونسقت وحجزت امتحاني مباشرة بعد الـHospitation، وقابلت الـChef ووقعت العقد، وكانت مدة التدريب 6 أسابيع.
ولكن بعد 6 أسابيع من توقيع العقد -أسبوع فقط قبل بداية الـHospitation، الـPersonalabteilung بعثلي إيميل مفاده أنه بسبب نوع إقامتك 16F بنعتذر منك، أو غيرها لإقامة بتسمح لك تشتغل.
وقتها كان معي Fiktionsbescheinigung ولسا إقامتي ما كانت طالعة، عبولي أوراق تحويل الفيزا لـ16D بناءً على عقد الـHospitation، ولكن لو كنت بدي أمشي بالإجراءات كان احتمال أمتحن وأخلص وأبلش شغل ولسا بستنى بالإقامة الجديدة تطلع.
اللي عملته إني تواصلت عن طريق الإيميل مع مكتب الأجانب في مدينتي، وشرحت لهم اللي صار، وإنه الـHospitation هدفه معرفة أفضل للنظام الصحي الألماني وتقوية اللغة من أجل الاستعداد للـFSP، مش هدفه العمل وتحصيل المال، وإنه خطتي رسمتها بناء على هاد الـHospitation، وطلبت منهم يعطونيBescheinigung يشرحوا فيه إنه كمكتب أجانب ما عندهم مانع من ناحية قانونية إني أعمل الـHospitation.
وبعد 3 أيام عمل، بعثوا لي انه الـ Bescheinigung جاهز وتعال استلمه، كانوا شارحين فيه المطلوب، بعثت الـ Bescheinigung للموراد البشرية في المستشفى، وحكوا لي هاد الـ Bescheinigung كافي وبتقدر تبدأ دوام.
• نص الـBescheinigung كان كالتالي
Herr XY XYXY, ausgewiesen durch Nationalpass/Reisepass XXXXXX gültig vom ??.??.20?? bis ??.??.20??, ein VISUM zum Besuch eines Sprachkurses nach § 16f AufenthG erteilt und eine FIKTIONSBESCHEINIGUNG ausgestellt wurde, die vom ??.??.20?? bis ??.??.20?? gültig ist. Die Aufnahme einer Beschäftigung oder sonstigen Erwerbstätigkeit ist nicht erlaubt.
Unentgeltliche kurzzeitige Hospitationen zur Vorbereitung auf die Fachsprachprüfung bedürfen keiner Erlaubnis, da es sich nicht um eine Beschäftigung im Sinne der Verordnung über die Beschäftigung von Ausländerinnen und Ausländern (Beschäftigungsverordnung – BeschV) handelt. Diese dürfen ohne Erlaubnis oder entsprechender Aufenthaltserlaubnis durchgeführt werden.
• موقفي من نص الـBescheinigung
ولكن لأنه فتنا ببداية الشهر وأنت ما بدأت بالوقت المحدد، رح نأجل التدريب ورح تبلش دوام من بداية الشهر الجديد، حاولت معهم أبلش مباشرة وانه إذا تأجل رح يكون امتحاني في نصف فترة التدريب ولكن “دق المي وهي مي”.
بلشت دوام ببداية الشهر الجديد، داومت أسبوعين فقط من أصل 6 واعتذرت للـChef وشرحت له أنه خطتي كانت بالأساس إنه أنهي تدريبي بهاد الوقت وتقبل الموضوع بشكل ودّي.
فاللي بمر بهاي التجربة، بقدر يتواصل مع مكتب الأجانب في مدينته ويطلب منهم الـ Bescheinigung، وإن شاء الله بتتيسر أموره.
وفقني الله وإياكم لما فيه صلاحُنا وصلاحُ أمتنا.
كل الشكر لكاتب هذه المقالة الدكتور محمد أبو عيد له كل الشكر 😍💐😊
نرغب الآن في التعرف على خبراتك:
أي الأفضل بالنسبة للأطباء: الولايات المتحدة الأمريكية أم ألمانيا؟
• سلسلة مقالات نجاحك أكيد مع الدكتور أبو عيد:
ننصحكم بشدة بقرائتها وذلك لانها ستزيد من فهمكم لمواضيع عديدة وبالتالي فرص نجاحكم في تعلم اللغة الألمانية والامتحانات والعمل. جمعناها كلم في المقالة التالية:
• سلسلة مقالات “نجاحك أكيد مع الدكتور أبو عيد”
هل تريد معلومات أكثر؟ عندك أسئلة؟
إنضم الآن (🇩🇪 JETZT) لكل جروباتنا
(الروابط موجودة في آخر الصفحة إذا كنت تتصفح من الهاتف وعلى يسار الصفحة إذا كنت تتصفح من الحاسوب)