• مقدمة
امتحان اللغة الطبية مطلوب من كل الأطباء الأجانب الذين لم يحصلوا على شهادة التوجيهي/البكالوريا في ألمانيا (مزيد من التفاصيل هنا). في هذه المقالة يشرح لكم الدكتور عيد أبو عيد عن طريقة التسجيل في امتحان اللغة الطبية في النوردراين والمقصود في ولاية النوردراين فيستفالين (Nordrhein-Westfalen) وهي الولاية الأكبر سكانيا في كل ألمانيا ووجهة مفضلة للأطباء العرب أجمالا والأردنيين خصوصا.
إذا كان لديك أية شكوك أو تحتاج إلى مزيد من التوضيح، فلا تتردد في طرح الأسئلة في أي وقت في المجموعة الرئيسية لمجتمع فاخ آرتست يتست (Facharzt JETZT) على الفيسبوك والتيليجرام (سيتم إضافة جميع مجموعات التيليجرام كفولدر). هذه المقالة هي لمساعدتك على فهم الأمور، ولكن مع ذلك، لا ينبغي أن تكون مصدرك الوحيد. دائماً استشر المواقع الرسمية للحصول على المعلومات الأكثر دقة وتحديثاً (يمكنك قراءة إخلاء المسؤولية الكامل هنا).
• شروط التسجيل في امتحان اللغة الطبية في النوردراين
في البداية لازم تعرفوا عدة معلومات:
المعلومة الأولى: شهادة الB2 هي شرط أساسي للتسجيل للامتحان، وبدونها مستحيل تقدروا تسجلوا أو توخذوا موعد.
المعلومة الثانية: الامتحان بكون في نقابة الأطباء مش في مركز المعادلة في مونستر. ولكن في عنا نقابتين، نقابة فيDüsseldorf ونقابة في Münster، وهون الناس بتتخربط.
المعلومة الثالثة: الموظف المسؤول عن ملفكم في مركز المعادلة فقط وظيفته تسجيلكم للامتحان في النقابة سواء كانت نقابةDüsseldorf أو نقابة Münster، وما له علاقة نهائيًا بموعد الامتحان.
• إجراءات التسجيل في امتحان اللغة الطبية في النوردراين
بعد إرسال الأوراق لمركز المعادلة في مونستر، والحصول على الDefizitbescheid، وإرسال شهادة الB2، الموظف ببعث فورم اسمه Antrag auf der Teilnahme an der Fachsprachprüfung
هاد الفورم هدفه تخويل الموظف لتسجيلكم في نقابة الأطباء للامتحان.
بتوقعوه وبتبعثوه بالبريد للموظف تبعكم في مركز المعادلة، وهو برد عليكم بالإيميل إنه رح يبدأ إجراءات تسجيلكم في النقابة، ورح يذكر بالإيميل أي نقابة رح يسجلكم فيها
الموظف بجهز الملف تبعكم وببعثه لنقابة الأطباء المعنية، هاد الاشي بستغرق من أسبوع ل6 أسابيع حسب الموظف وهمته، في حال كان مثلًا ماخذ إجازة وما حدا استلم الملفات اللي هو مسؤول عنها عبين ما يرجع من إجازته
بوصل ملفكم لنقابة الأطباء المعنية وهناك بستلم ملفكم موظف آخر، بشتغل بالملف وبعمل لكم حساب في نقابة الأطباء، وببعث لكم إيميل فيه معلوماتكم ورقم ملفكم في نقابة الأطباء، وبتلاقوا كمان في الإيميل Verwendungszweck، هاد اشي مهم لعملية الدفع، وبطلب منكم إنكم تدفعوا ثمن الامتحان (350€) وتحددوا الموعد اللي حابين تمتحنوا فيه (Wunschtermin).
• تحديد موعد امتحان اللغة الطبية في النوردراين
هاد الاشي يستغرق برضه من أسبوع ل6 أسابيع حسب الموظف وهمته، وفي حال كان مثلًا ماخذ إجازة
المدة هاي خاصة بالتحديد بنقابة Düsseldorf كوني امتحنت هناك ومريت بالتجربة
بتدفعوا ثمن الامتحان، الغالبية منا عن طريق تطبيق البنك، وبتكتبوا في خانة الVerwendungszweck الموجودة في معلومات الحوالة رقم الVerwendungszweck المكتوب في الإيميل اللي وصلكم، عشان يعرفوا إنه هاي الحوالة حوالتكم وخاصة فيكم
بعد الدفع بتعملوا Reply للإيميل اللي وصلكم من نقابة الأطباء، بتكتبوا فيه الموعد اللي بدكم تمتحنوا فيه، وبترفقوا صورة عن الحوالة اللي بعثتوها
يُنصح تكتبوا من إلى مثلًا، (vom 20.06.2023 bis 24.06.2023)
وبتقدروا تكتبوا كمانvormittags أو nachmittags للي بحب امتحانه يكون في الجلسة الصباحية أو المسائية، واللي مش فارقه عنده ما يكتب
بعد فترة من 4 إلى 6 أسابيع بعد الدفع وإرسال الإيميل، بوصلكم إيميل بالموعد تبع الامتحان بالتاريخ والساعة، وبطلبوا منكم تردوا عليهم في حال موافقين عالموعد ولا لأ
في حال الموعد اللي طلبتوه متاح بعطوكم إياه
في حال كان مش متاح، بعطوكم أقرب موعد متاح للموعد اللي طلبتوه، بالعادة بكون بعد الموعد اللي طلبتوه مش قبل، ولكن دايمًا ممكن يكون في استثناءات
ما بعرف حدا نسي يبعث إنه موافق عموعد الامتحان، وبس راح على موعده المكتوب، حكوله ما في الك امتحان لأنك ما أكدت علينا وبعثت موافقتك على الموعد، ولكن للي ما بعث موافقته يفضّل إنه يبعث
في حال الموعد اللي بعثوه مش مناسب، بتقدروا تطلبوا موعد ثاني، ولكن ما عندي بهاي الجزئية، فأحسن اشي تسألوا حدا جرب، أو حدا من الزملاء القدامى يفيدنا بالتعليقات
• أقرب موعد امتحان اللغة الطبية في النوردراين بعد قيامك بدفع ثمن الإمتحان
| Düsseldorf | Münster |
| تقريباً خمسة شهور | تقريباً شهرين إلى ثلاثة شهور |
فاللي معه شهادة الB2، بقدر يبلش بإجراءات التسجيل قبل ما يوصل ألمانيا، ويوقف عند جزئية الدفع، وقتها هو حر متى ما بده بدفع وبحدد الموعد اللي بناسبه
هيك بوفر على حال فترة من 3 أسابيع وممكن تطول في أسوأ الحالات ل3 أشهر، في حال بدأ بهاي الإجراءات بس يوصل ألمانيا
• كيف يتم تحديد مكان الامتحان؟
أول اشي بدكم تعرفوه إنه غالبية الموظفين ما بهمهم ولا فارقة معهم وين رح تمتحنوا، فالأمور إن شاء الله بالعادة بتمشي بشكل سلس
ولكن في أكم موظف عن جد سيئين، وبدوروا على أصغر الصغائر عشان يغلب الطبيب ويطلعوا روحه، هذول لازم نكون حذرين بالتعامل معهم، ونعرف إنه العصبية والنرفزة والحدة بالرد عليهم بالإيميل أو البريد ما رح يفيد من مرة، بالعكس بجيب نتائج عكسية
بالهدوء والروية بتقدروا توخذوا اللي بدكم إياه في تحديد مكان امتحان اللغة الطبية في النوردراين.
المهم، وحسب معرفتي وتجربتي البسيطتين، من آخر سنة ال2021 في فورم اسمه Erklärung zum beabsichtigten Tätigkeitsort in Nordrhein Westfalen
هاد الفورم بتكتبوا فيه اسم المدينة اللي رح تتمركز نشاطاتكم فيها في ولاية الNRW، ولازم ترفقوا معه إثبات على هاد الاشي، سواء كان Hospitation أو دورات لغة (تسجيل مبدئي كافي) أوAnmeldung
ومن خلال هاد الفورم بتم تحديد امتحانك أنه رح يكون بDüsseldorf أو Münster
في حال كانت المدينة تابعة لدوسيلدورف بكون الامتحان في دوسيلدورف، وفي حال كانت تابعة لمونستر بكون الامتحان في مونستر
بالعادة هاد الفورم بطلبه الموظف وبذكره في ال Defizitbescheid وبرسله مع ال Defizitbescheid
أو ببعثوا مع فورم التخويل للتسجيل في الFSP بس تبعثوا للموظف شهادة الB2
في حال كنتم في ألمانيا وعاملين Anmeldung، بتكتبوا اسم المدينة اللي مسجلين سكن فيها وبترفقوا نسخة عن ورقة الAnmeldung
في حال معكم Hospitation بتكتبوا اسم المدينة اللي فيها المستشفى وبترفقوا الBescheinigung أو عقد الHospitation
في حال كنتم حاجزين كورسات لغة، بتكتبوا اسم المدينة اللي فيها المعهد، وبترفقوا معها إثبات التسجيل في الكورسات، حتى لو كان تسجيل مبدئي
وبالتالي إن شاء الله واحد من الثلاث كافي، ولكن دايمًا ممكن يكون فيه استثناءات
اللي بحكي فقط الHospitation كافي عشان الموظف يسجلكم في النقابة الفلانية مش دقيق كلامه، واحد من اللي فوق إن شاء الله كافي
أنا شخصيًا والعديد من الزملاء بعثنا حجز مبدئي في معهد اللغة (C1 Medizin) في مدن تابعة لDüsseldorf وتم تسجيلنا في نقابة Düsseldorf، وفي منا كانوا لسا في بلدهم مش بألمانيا
صدقًا ما سمعت من مرة عن حدا من الزملاء، عبأ فورم الErklärung وكتب اسم مدينة تابعة لDüsseldorf وأرفق إثبات عن هاد الاشي، وموظفه رفض يسجله في نقابةDüsseldorf أو سجله في Münster
في التعليقات رح تلاقوا صورة عن فورم التخويل (Teilnahme) وصورة عن فورم ال Erklärung
بهذا نكون قد شرحنا بالتفصيل طريقة التسجيل في امتحان اللغة الطبية في النوردراين.
أراكم في منشورات لاحقة
وفقني الله وإياكم لما فيه صلاحُنا وصلاحُ أُمَّتِنا
كل الشكر لكاتب هذه المقالة الدكتور محمد أبو عيد 😍💐😊
تاريخ المقالة: 29.12.2022
• سلسلة مقالات نجاحك أكيد مع الدكتور أبو عيد:
ننصحكم بشدة بقرائتها وذلك لانها ستزيد من فهمكم لمواضيع عديدة وبالتالي فرص نجاحكم في تعلم اللغة الألمانية والامتحانات والعمل. جمعناها كلم في المقالة التالية:
• سلسلة مقالات “نجاحك أكيد مع الدكتور أبو عيد”
هل تريد معلومات أكثر؟ عندك أسئلة؟
إنضم الآن (🇩🇪 JETZT) لكل جروباتنا
(الروابط موجودة في آخر الصفحة إذا كنت تتصفح من الهاتف وعلى يسار الصفحة إذا كنت تتصفح من الحاسوب)